काठमाडौं। पाँच महिनाको अवधिमा बिभिन्न देशबाट नेपालमा ८ अर्ब ३९ करोड रुपैयाँको तरकारीजन्य वस्तु भित्रिएको छ। भन्सार विभागका अनुसार २०७९ साउनदेखि मंसिर मसान्तसम्मको अवधिमा उक्त मूल्य बराबरको तरकारी नेपाल भित्रिएको हो। सो अवधिमा आलु, प्याज, गोलभेडा, काउली, च्याउ, फर्सी, केराउ लगायतका तरकारीजन्य वस्तु नेपाल भित्रिएको छ। बितेको पाँच महिनामा आलु मात्र नेपालले ४ अर्ब ८० करोडभन्दा बढीको आयात गरेको छ।