एजेन्सी। लिभरपुलका प्रशिक्षक योर्गान क्लोपले आफ्ना खेलाडी घाइते नभइदिएको भए म्यानचेस्टर सिटीले इङ्लिस प्रिमियर लिगको उपाधि जित्न नसक्ने बताएका छन्। लिभरपुलका रक्षक भर्जिल भान डाइक र जो गोमेजले चोटका कारण पुरै सिजन गुमाएका थिए। त्यसपछि जो माटिप, फबिन्हो, जोर्डन हेन्डरसन र डिएगो जोटा पनि घाइते भएका थिए। ‘चोटले दुःख नदिएको भए हामी च्याम्पियन हुन्थ्यौं,’ क्लोपले भने, ‘अरूको कुनै सम्भावना हुँदैनथ्यो।’
