जिल्ला प्रशासन कार्यालय जुम्लाले जुम्लामा सडक र घरवारविहीन रहेका बेवारिसे व्यक्तिहरुलाई खोज्दै न्यानो कपडा कम्वल र ज्याकेट वितरण गर्न शुरु गरेको छ ।
जुम्लामा चिसो अत्याधिक बढ्दै गएको समयमा चन्दननाथ नगरपालिकामा स्थानीय प्रशासनले सडकमा रहेका वेवारिसे मानिसहरुलाई न्यानो कपडा वितरण गरेको हो । सडकमा जीवन यापन गर्ने विपन्न र अपाङ्गता भएका नौ जना व्यक्तिहरुलाई ज्याकेट तथा कम्वल वितरण गरेको जिल्ला प्रशासन कार्यालयले जानकारी दिएको छ ।
स्थानीय प्रशासन, नेपाल रेडक्रस सोसाईटी जुम्लाले सडकमा चिसोको समयमा कपडा र ओढ्ने कम्बल नपाएर समस्या भएका व्यक्तिहरुलाई खोज्दै कपडा बितरण गरिएको प्रमुख जिल्ला अधिकारी भुपेन्द्र थापाले जानकारी दिनुभयो ।
