काठमाडौं (अस) । विज्ञापन एजेन्सी प्रिज्मा एड्भर्टाइजिङले ३० औं वार्षिकोत्सव मनाएको छ । ग्राहकसँग निकट सम्बन्ध कायम गरेर सेवाको गुणस्तरलाई प्राथमिकता दिइँदै आएको कम्पनीले बताएको छ । प्रिज्मा सन् २००४, २००५, २००६, २००७ र २००८ मा लगातार पाँच वर्ष उत्कृष्ट एजेन्सीको रूपमा सम्मानित भइसकेको छ । प्रिज्माले अमेरिकाको प्रतिष्ठित कम्पनी जोन्सन एन्ड जोन्सनले प्रदान गर्ने अन्तर्राष्ट्रिय अवार्ड बेल रिंगर २००० समेत जितेको छ ।
रचनात्मक डिजाइन, अभियान निर्माण तथा कार्यान्वयन, ब्रान्ड रणनीति तथा विकास, प्रोडक्सन तथा फ्याब्रिकेसन, अडियो भिजुअल निर्माण, मिडिया तथा प्रेस विज्ञप्ति, पब्लिक रिलेसन तथा सामाजिक सञ्जाल र डिजिटल मार्केटिङलगायत क्षेत्रमा कम्पनी क्रियाशील छ ।
प्रिज्माले कोका–कोला, बजाज पल्सर, मेरो मोबाइल, एनसेल, अर्घाखाँची सिमेन्ट, नेस्ट्ले, एभरीडेलगायत थुप्रै विज्ञापन प्रसार सामग्री उत्पादन गरेको छ । सरोकारवाला, साझेदार तथा ग्राहक विश्वासका कारण सफलता प्राप्तिमा सहयोग पुगेको कम्पनीका सीईओ रञ्जीत आचार्यले बताए ।
