काठमाडौं (अस) । सेन्ट्रल फाइनान्स लिमिटेडले झापाको बिर्तामोडमा शाखा कार्यालय सञ्चालनमा ल्याएको छ । बिर्तामोड वडा नं ४ स्थित भद्रपुर रोडमा कम्पनीले आफ्नो शाखा सञ्चालनमा ल्याएको हो ।
बिर्तामोड उद्योग वाणिज्य संघका अध्यक्ष प्रकाश शिवाकोटीले उक्त शाखाको उद्घाटन गरे । उक्त शाखा सञ्चालनमा आएसँगै कम्पनीको शाखाको संख्या १६ पुगेको छ ।
नेपाल राष्ट्र बैंकबाट ‘ग’ वर्गको इजाजतपत्र प्राप्त उक्त वित्तीय संस्थाले यसअघि १५ ओटा कार्यालय शाखा कार्यालयबाट सेवा दिँदै आएको छ । संस्थाको केन्द्रीय कार्यालय ललितपुरको कानदेवस्थानमा छ । संस्थाले आगामी दिनमा रूपन्देहीको भैरहवामा थप शाखा विस्तार गर्ने योजना बनाएको छ । भैरहवामा शाखा सञ्चालनका लागि तयारी अन्तिम चरणमा पुगेको संस्थाका प्रमुख कार्यकारी अधिकृत रजोजमान श्रेष्ठले बताए ।
