वैशाख ३, काठमाडौं । विसं २०७८ सालको अन्तिम साता तीन कारोबार दिनमात्र नेप्से खुला भएको छ ।
गत साता पाँच कारोबार दिन खुला भएको नेप्से यो साता दुई दिन सार्वजनिक विदाका कारण बन्द भएको हो ।यो साता तीन कारोबार दिनमा नेप्से परिसूचक दुई दिन घटेको छ भने एक दिन बढेको छ । साताको पहिलो दिन रामनवमीका कारण बन्द भएको बजार दोस्रो दिन ४४ दशमलव ५६ अंकले र तेस्रो दिन ३४ दशमलव ७९ अंकले घटेको थियो ।
साताको अन्तिम कारोबार दिन भने बजार ३० दशमलव २४ अंकले बढेर बन्द भएको छ । यो साता नेप्से परिसूचक गत साताको तुलनामा ४९ दशमलव ११ अंकले घटेको हो ।
गत साता २ हजार ४१९ दशमलव ८० विन्दुमा रहेको नेप्से परिसूचक यो साता २ हजार ४१५ दशमलव २४ विन्दुमा झरेको हो ।
यो साता सेन्सेटिभ इन्डेक्स भने ७ दशमलव ६६ अंकले घटेको छ । गत साता ४६३ दशमलव ७५ विन्दुमा रहेको सेन्सेटिभ इन्डेक्स यो साता ४५६ दशमलव शून्य ९ विन्दुमा झरेको हो ।
तीन कारोबार दिनमा यो साता रू. ५ अर्ब २६ करोड १४ लाख ६९ हजार बराबरको १ करोड २२ लाख ७७ हजार ५०१ कित्ता धितोपत्र कारोबार भएको छ ।
गत साता पाँच कारोबार दिनमा रू. ९ अर्ब ८३ करोड ४१ लख ५३ हजार बराबरको २ करोड २३ लाख ४९ हजार ५११ कित्ता धितोपत्र कारोबार भएको थियो । यो साता गत साताभन्दा दुई दिन कम कारोबार भएकाले पनि कारोबार रकम र कित्तामा कमि आएको छ । औषतमा भने यो साता रू. २१ करोड ३० लाखभन्दा बढीको ३ लाख ७७ हजार ४०१ कित्ता कम कारोबार भएको देखिन्छ ।
यो साता कुल बजार पूँजीकरण रू. ७२ अर्ब ६५ करोड ३४ लाखले घटेको छ । गत साता रू. ३४ खर्ब ९८ अर्ब ७६ करोड २३ लाख रहेको कुल बजार पूँजीकरण यो साता रू. ३४ खर्ब २६ अर्ब ६१ करोड ८८ लाख कायम भएको छ । २०७८ सालमा धितोपत्र दोस्रो बजारका लगानीकर्ताहरुले उत्साह र निराशा दुबैको सामना गर्नुपरेको छ ।
साताको बजारका सूचकहरुको अवस्था :
यसै वर्ष बजारले ऐतिहासिक रेडर्क कायम गरेको थियो भने वर्षको अन्तिम केहि महिना बजार घटीरहेकाले लगानीकर्ता निरास बनेका छन् । तरलताको संकटबाट प्रभावित बनिरहेको बजारले आगामी दिनमा सकारात्मक गति लिने आशा लगानीकर्ताहरुको छ ।
सरकारले बैदेशिक सहायता स्वरुप करिब रू. १ खर्ब अनुदान स्वीकार गर्ने निर्णय गरेसँगै बजारमा तरलता सहज हुने विश्वास लगानीकर्ता तिलक कोइरालाको छ । यो अनुदान सहायता प्राप्तपछि देशको आर्थिक संकट टर्ने विश्वास पनि उनले लिएका छन् ।
यो साता अन्य समूहको उपसूचक सर्वाधिक घट्यो
२०७८ सालको अन्तिम साताको कारोबारमा सबै उपसूचकहरु घटेका छन् । यो साता अन्य समूहको उपसूचक सर्वाधि ४ दशमलव ९४ प्रतिशत घटेको हो । यो साता व्यापारिक र जीवन बीमा समूहको उपसूचक पनि ४ प्रतिशतभन्दा बढीले घटेको छ ।
व्यापारिक समूहको ४ दशमलव शून्य ७ प्रतिशत र जीवन बीमा समूहको ४ दशमलव शून्य २ प्रतिशत उपसूचक घटेको छ ।
त्यस्तै यो साता वित्त समूहको ३ दशमलव ९० प्रतिशत, लगानी समूहको ३ दशमलव ६२ प्रतिशत, जलविद्युत समूहको ३ दशमलव १० प्रतिशत, उत्पादन तथा प्रशोधनको २ दशमलव ८३ प्रतिशतले घटेको छ ।
त्यस्तै निर्जीवन बीमा समूहको २ दशमलव २८ प्रतिशत, विकास बैंकको १ दशमलव ७२ प्रतिशत, म्युचुअल फण्डको १ दशमलव ५५ प्रतिशत, होटल्स तथा पर्यटन समूहको शून्य दशमलव ६२ प्रतिशत, बैंकिङ समूहको शून्य दशमलव ४७ प्रतिशत र लघुवित्त समूहको शून्य दशमलव शून्य ३ प्रतिशत उपसूचक घटेको छ ।
यो साता लघुवित्त समूहका लगानीकर्ताहरुले सबैभन्दा कम गुमाएका छन् ।
साताव्यापी समूहगत परिसूचकमा भएको थपघट :
स्रोत : नेपाल स्टक एक्सचेञ्ज (नेप्से)
