आईतबार बिहान बुटवलमा भएको गोली काण्डमा संलग्न रहेको आशंकामा प्रहरीले दुई जनालाई पक्राउ गरेको छ । होटलमा बसेर खाग तस्करीको योजना बनाईरहेकामध्ये एक जना आफ्नै साथीले प्रहार गरेको गोली लागेर घाईते भएको अर्का एक जना फरार रहेको बुटवल प्रहरीले जनाएको छ ।
बिहान नौ बजे बुटवल उपमहानगरपालिका वडा नं ८ मिलनचोकदेखि पुर्वतर्फ सुख्खानगर जाने बाटोमा रहेको कलस होटलमा गोली चलेको थियो ।
ईलाका प्रहरी कार्यालय बुटवलका प्रमुख प्रहरी नायब उपरीक्षक प्रतित सिंह राठौरका अनुसार तस्करीको सूचना पाएर खानतलासी गर्न पुगेको प्रहरी टोलीको पेस्तोल खोसेर तस्करले प्रहरीमाथि नै प्रहार गर्न खोजेकाथिए । तर गोली उनकै साथीलाई लाग्यो ।