भारतसँग सिमाना जोडिएको बाँकेमा हाल आएर फेरी संक्रमित भेटिने क्रम तीव्र हुन थालेको छ । जिल्ला कोभिड १९ संकट व्यवस्थापन केन्द्रले दिएको जानकारी अनुसार बाँकेमा भेरी अस्पताल तथा अन्य विभिन्न ल्याबमा गरिएको परीक्षणमा एकैदिन ४० जनामा कोरोना पुष्टि भएको छ ।
बाँकेका कोरोना फोकल पर्सन तेज ओलीले भारतको महाराष्ट, गुजरात र पञ्जाब लगायतका स्थानबाट नेपालीहरु फर्किने क्रम बढेसँगै बाँकेमा संक्रमितको संख्या पनि बृद्धि हुँदै गएको बताउनुभयो ।
उहाँले शनिवार रातीसम्म आएको नतिजा अनुसार एकै दिन जिल्लाका विभिन्न प्रयोगशालामा गरिएको परीक्षणमा ४० जना संक्रमित भेटिएको बताउनुभयो ।
