दुई खेलमा हारेको बदला लिन्छौं : महर्जन

काठमाडौं। काठमाडौं रेजर्सका प्रशिक्षक बालगोपाल महर्जनले धनगढी एफसीसँग लिग र प्लेअफमा हारेको बदला लिँदै नेपाल सुपर लिगको उपाधि जित्ने विश्वास व्यक्त गरेका छन्। काठमाडौं धनगढीसँग लिगमा ३–० र प्लेअफमा २–१ ले हारेको थियो। ‘अघिल्ला खेलमा भएका कमीकमजोरीलाई सुधार गरेर तेस्रो खेलमा आफूलाई प्रमाणित गर्ने सुनौलो अवसर छ। उपाधि जित्न हामी भरपुर मिहिनेत गर्छौं,’’ महर्जनले भने। फाइनल शनिबार हुनेछ।