मोरङ — प्रदेश १ का वन, वातावरण तथा भू–संरक्षण मन्त्री शेखरचन्द्र थापाको निधनकाे शोकमा प्रदेश सरकारले भाेलि बिहीवार सार्वजनिक बिदा दिने निर्णय गरेको छ ।
आज बुधवार एक विज्ञप्ति निकालेर प्रदेश सरकारले याे जानकारी दिएकाे हाे । मन्त्री थापाको निधनकाे शोकमा भाेलि सार्वजनिक बिदाका साथै राष्ट्रिय झन्डा झुकाउने निर्णय भएको विज्ञप्तिमा जनाइएकाे छ ।
मोरङ ३ (क) का उम्मेदवारसमेत रहनुभएका थापाको आज बुधवार बिहान निधन भएको हो । ५६ वर्षका थापाको विराटनगरमा रहेको नोबेल अस्पतालमा उपचारका क्रममा निधन भएको हो ।
