संखुवासभा जिल्लाको खाँदबारी नगरपालिकाले कृषकहरूलाई कृषि पेसाप्रति आकर्षित र प्रोत्साहित गर्न कृषि तथा पशु मेला प्रदर्शनीको आयोजना गरेको छ । नगरपालिकाले सोमबार खाँदबारी हाट लाग्ने टुँडिखेलमा मेलाको आयोजना गरेको हो ।
मेलामा कृषिबाली समूह, जडिबुटी र पशु समूहमा वर्गीकरण गरी प्रदर्शनी गरिएको थियो । कृषितर्फ १० वटा समूह राखिएको थियो । घरेलु हस्तकला, बन पैदावार समूह, आलु तथा जरे बाली समूह, फलफूल तथा बाली समूह, लहरे तथा फल जन्य बाली समूह, दलहन, तेलहन तथा नगदेबाली समूह, पात तथा फूलजन्य तरकारी बाली समूह, खाद्यन्नबाली समूह र बिविध समूह गरी १० समूहमा प्रदर्शनी गरिएको थियो । यस समूहमा ४२ जना कृषकहरूले सहभागीता जनाएका थिए ।
