३० वैशाख, गुल्मी । गुल्मी जिल्लाको चन्द्रकोटका किसानहरू आलु खेतीतर्फ आकर्षित भएका छन् । पहिले परम्परागत खेती गरिरहेका किसानहरू पछिल्लो केही वर्षयता सामूहिक रूपमा व्यावसायिक आलु खेती गर्न थालेका छन् ।
चन्द्रकोटको वडा नम्बर–१ को दिब्रुङ्ग …
आँधीखोला पानी उपभोक्ता समूह (आक्वार) जिमुहा कृषिउपज कृषक सहकारी संस्थामा आबद्ध भएका जिमुहा, कर्मचौर, कामलाङ, दिमिक, लल्याङ, बल्पुकलगायतका क्षेत्रका किसानले सामूहिक आलु खेती गरेको सहकारीका अध्यक्ष रुमलाल कँडेलले बताउनुभयो । आलुको पकेट क्षेत्र मानिएको जिमुहामा निर्माण भएको शीतभण्डारमा रहेको १३० टन आलुको बीउ र राष्ट्रिय आलुबाली अनुसन्धान केन्द्र खुमलटार ललितपुरबाट २० टन गरी झण्डै १५० टन आलुको बीउ सामूहिकरुपमा लगाइएको सहकारीका अध्यक्ष कँडेलले बताउनुभयो ।
