यही वैशाख १० गते चितवन क्षेत्र नं. २ मा हुने उपनिर्वाचनमा राष्ट्रिय स्वतन्त्र पार्टीले जितलाई निरन्तरता दिनेमा तथा नेपाली कांग्रेस र नेकपा (एमाले) पुरानो विरासत फिर्ता गराउने प्रयत्नमा छन्। यस पटक रास्वपा अध्यक्ष लामिछाने, कांग्रेसका युवा नेता जितनारायण श्रेष्ठ र एमाले चितवनका अध्यक्ष रामप्रसाद न्यौपानेका बीचमै चुनावी प्रतिस्पर्धा हुने अनुमान गरिएको छ। यी तीन र १० स्वतन्त्रसहितका २२ उम्मेदवार चुनावी मैदानमा हुनुहुन्छ।