साउन २४, काठमाडौं । साताको पहिलो कारोबार दिन आइतवार अपि पावरसहित सात ओटा कम्पनीको शेयरमूल्यमा सर्किट लागेको छ ।
यो दिन कारोबारमा आएका २२७ ओटा कम्पनीमध्ये सात ओटा कम्पनीको शेयरमूल्यमा सकारात्मक सर्किट लागेको हो । अपि पावर, कम्पनी,कर्पोरेट डेभलपमेण्ट बैंक,युनिभर्सल पावर कम्पनी,जीवन विकास लघुवित्त वित्तीय संस्था,ङादी ग्रुप पावर कम्पनी, यूनियन लाइफ इन्स्योरेन्स र कर्णाली डेभलपमेण्ट बैंकको शेयरमा सकारात्मक सर्किट लागेको हो ।
अपि पावर कम्पनी,कर्पोरेट डेभलपमेण्ट बैंक,युनिभर्सल पावर र जीवन विकास लघुवित्तको शेयरमूल्य अघिल्लो कारोबार दिनको तुलनामा १० प्रतिशतले वृद्धि भएको हो ।
त्यसैगरी ङादी ग्रुप पावर र यूनियन लाइफ इन्स्योरेन्सको शेयरमूल्य ९ दशमलव ९९ प्रतिशतले वृद्धि भएको छ । कर्णाली डेभलपमेण्ट बैंकको शेयरमूल्य अघिल्लो कारोबार दिनको तुलनामा ९ दशमलव ३४ प्रतिशतले वृद्धि भएको हो ।
ती सात ओटै कम्पनीको शेयरमा विक्रेताभन्दा क्रेता धेरै भएकाले शेयरमूल्य बढेको हो । अपि पावर कम्पनीको शेयरमूल्य प्रतिकित्ता रू. ६०७ दशमलव २०,कर्पोरेट डेभलपमेण्ट बैंकको रू. ८८०, युनिभर्सल पावरको रू. ५३४ दशमलव ४०,जीवन विकास लघुवित्तको रू. १ हजार ६५६ दशमलव ६० पुगेको हो ।
त्यसैगरी ङादी ग्रुप पावरको रू. १ हजार ६५ दशमलव ६०,युनियन लाइफ इन्स्योरेन्सको रू.५३० दशमलव ९० र कर्णाली डेभलपमेण्ट बैंकको शेयर मुल्य प्रतिकित्ता रू.४८९ दशमलव ५० पुगेको हो ।