अर्थमन्त्री खनालले प्रतिवेदनमै उल्लेख गरे - स्वास्थ्य बीमामा ‘कल्पना गर्न सकिने किसिमका सबै विकृति’

खनालद्वारा जारी प्रतिवेदन अनुसार स्वास्थ्य बीमाको भुक्तानी दायित्व व्यवस्थापन अझै जटिल अवस्थामा रहेको छ। पछिल्ला महिनाहरूमा करिब १ अर्ब ७० करोड रुपैयाँ भुक्तानीको प्रबन्ध गरिए पनि अझै ७ अर्ब रुपैयाँभन्दा बढी दायित्व बाँकी रहेको उनले बताएका छन्। मन्त्रालयकै अधिकारीहरूले स्वास्थ्य बीमा व्यवस्थापनमा ‘कल्पना गर्न सकिने किसिमका सबै विकृति’ रहेको स्वीकार गरेको उनले प्रतिवेदनमै उल्लेख गरेका छन्।