काठमाडौं। नेपाल प्रहरीले बितेको चौबीस घण्टामा निषेधाज्ञा जारी भएका स्थानबाट २ हजार ८१५ वटा सवारीसाधनलाई नियन्त्रणमा लिएको छ। नियन्त्रणमा लिइएकामा ९१३ वटा गाडी र एक हजार ९०२ वटा मोटरसाइकल रहेका छन्। निषेधाज्ञा कार्यान्वयनका सिलसिलामा उनीहरुलाई नियन्त्रणमा लिइएको प्रहरीले जनाएको छ। निषेधाज्ञा जारी गरिएका स्थानमा अत्यावश्यक सेवा र पास भएका अन्य सवारीसाधनको आवागमनमा निषेध गरिएको छ।