काठमाण्डौ – प्रधानमन्त्री शेरबहादुर देउवाले मतदान गर्नु भएको छ ।
बिहान १० बजे गन्यापधुरा गाउँपालिका-१ असिग्राम माध्यमिक विद्यालयमा रहेको मतदान केन्द्रमा उहाँले मतदान गर्नु भएको हो ।
प्रधानमन्त्री देउवा सातौँ पटक डडेल्धुराबाट प्रतिनिधि सभामा उम्मेदवार हुनुहुन्छ । मतदानपछि उहाँले लोकतन्त्रको सुन्दर पक्ष मतदानबाट आफ्नो प्रतिनिधि चुन्नु भएकाले सबैले आफ्नो मताधिकार प्रयोग गर्नुपर्नेमा जोड दिनुभयो ।
