सिटसिपस पहिलो पटक ग्राण्डस्लामको फाइनलमा

एजेन्सी। स्टेफानोस सिटसिपस ग्राण्डस्लामको फाइनलमा स्थान बनाउने ग्रिसको पहिलो खेलाडी बनेका छन्। पाँचौं वरियाताका सिटसिपसले छैटौं वरियाताप्राप्त जर्मनीका एलेक्जेन्डर जेरेभलाई ६-३, ६-३, ४-६, ४-६, ६-३ को सेटमा हराएका हुन्। २२ वर्षे सिटसिपसले अब जोभाक जोकोभिचविरुद्ध उपाधिका लागि खेल्नेछन्। "एथेन्सभन्दा बाहिरको सानो शहरबाट आएको हुँ । मेरो फ्रेन्च ओपन खेल्ने सपना थियो। आज फाइनलमा स्थान बनाए," सिटसिपसले भने।