काठमाडौं। नेकपा एमालेको स्थायी कमिटी बैठक आज बस्ने भएको छ। दिउँसो ३ बजे तुलसीलाल स्मृति प्रतिष्ठान ललितपुरमा बस्ने बैठकमा मुख्य तीन विषयमा छलफल हुने केन्द्रीय कार्यालय सचिव शेरबहादुर तामाङले जानकारी दिए। तामाङका अनुसार बैठकमा केन्द्रीय विभागहरुलाई पूर्णता दिने,विधान महाधिवेशन तयारी र पार्टी सदस्यता नवीकरण र वितरणलगायतका विषयमा छलफल हुनेछ। अध्यक्ष केपी शर्मा ओलीको परामर्शमा महासचिव ईश्वर पोखरेलले बैठक बोलाएका हुन्।
