ओली – प्रचण्ड चुनावमा जानलाई चिन्हमा लडाइ गरिरहेका छन्, हामी चुनाव हुँदैन भनेर बस्ने ? : देउवा

नेपाली कांग्रेसका सभापति शेरबहादुर देउवाले ढिलो चाँडो चुनाव हुने भन्दै तयारीमा लाग्न कार्यकर्तालाई निर्देशन दिएका छन् । सर्वोच्च अदालतबाट प्रतिनिधि सभा पुनःस्थापना भए सहर्ष स्वीकार्ने तथा चुनाव भए चुनावमा जानुपर्ने उनले बताए ।  नुवाकोटमा कांग्रेस पार्टी कार्यालयको शुक्रवार उद्घाटन गर्दै सभापति देउवाले चुनावसँग डराउन नहुने बताएका हुन् । उनले विगतमा चुनाव हुन्न भनेर कांग्रेसले तयारी नगर्दा हालत खराब भएको बताएका हुन् ।  ‘प्रचण्डलाई शान्ति प्रक्रियामा ल्याएपछि गिरिजाप्रसाद कोइरालाले चुनाव घोषणा गर्दा कहाँ...