राष्ट्रिय प्रजातन्त्र पार्टी (राप्रपा) लुम्बिनी प्रदेशको अध्यक्षमा प्रदीप उदय निर्वाचित भएका छन् । उनी २५६ मत प्राप्त गरी अध्यक्षमा निर्वाचित भए । अध्यक्षका प्रतिस्पर्धी ऋषिराज देवकोटाले १९४ मत प्राप्त गरेको निर्वाचन समितिले जनाएको छ ।प्रदेश अध्यक्षमा विजयी प्रदीप उदय बुटवलवासी हुन् भने देवकोटा बाँके निवासी हुन् । यसअघि उदय पार्टीको लुम्बिनी प्रदेश तदर्थ समिति अध्यक्ष भएर काम गर्दै आएका थिए ।रुपन्देहीको भैरहवामा दुई दिनसम्म चलेको राप्रपाको प्रथम प्रदेश अधिवेशनमा ५२४ मतदातामध्ये ४८४ मत खसेको थियो
