चन्द्रपुर नगरपालिका–८ स्थित प्रहरी चौकी सन्तपुरमा कार्यरत प्रहरी सहायक निरिक्षक दिनानाथ प्रसाद यादवले कार्यालय परिसरमा रहेको काठ बिक्री गरेको लगायत विभिन्न विषयमा अनियमितता गरेको आरोपमा स्थानीयले छानविनसहित कारबाहीको माग गरेका छन् । स्थानीयले सो माग अघि सारेपछि जिल्ला प्रहरी कार्यालयले सोमबार यादवलाई चौकीको जिम्मेवारीबाट हटाएर जिल्ला तानेको छ । उनीमाथि जिल्ला प्रहरीले अनुसन्धानसमेत थालेको छ ।
