विराटनगर (अस) । बेमौसमी वर्षाका कारण आएको बाढी र डुबानबाट प्रभावितका लागि उद्योग संगठन मोरङ र मोरङ व्यापार संघले ४ लाख बराबरको खाद्य समाग्री जिल्ला प्रशासन कार्यालय मोरङलाई हस्तान्तरण गरेका छन् ।
मोरङ व्यापार संघका प्रमुख कार्यकारी अधिकृत कृष्ण रेग्मीका अनुसार ४ लाख बराबरको चिउरा, भुजा, चाउचाउ, बिस्कुट र खानेपानीसहितको सामाग्री सहायक प्रमुख जिल्ला अधिकारीद्वय महेश तिम्सिना र शरदकुमार पोखरेललाई हस्तान्तरण गरिएको हो । मोरङमा बाढीको कारण धेरैले घरबारविहीन बन्नु परेको अवस्थामा राहतस्वरूप प्रशासनलाई उक्त सामाग्री दुई चरणमा हस्तान्तरण गरिएको हो ।
