काठमाडौं (अस) । रिद्धिसिद्धि सिमेन्टले आफ्ना उत्पादन, गुणस्तर तथा इञ्जिनियरिङ सुझावलगायत प्राविधिक ज्ञान दिने उद्देश्यले विभिन्न स्थानमा कन्ट्रयाक्टर मिट (ठेकेदार भेला) आयोजना गरेको छ ।
फागुन १३ गते चन्द्रागिरि, १४ गते भक्तपुर तथा ललितपुर र १५ गते बनेपामा कार्यक्रम आयोजना गरिएको कम्पनीले बताएको छ ।
देशका विभिन्न स्थानमा कन्ट्रयाक्टर मिट सम्पन्न गरिसकेको कम्पनीले ४३ ग्रेडको ओपीसी सिमेन्टमा केन्द्रित रही छलफल चलाइने गरेको जनाएको छ ।
निर्माण कार्यमा प्राविधिक रूपमा संलग्न सम्पूर्ण ठेकेदारलाई उत्पादन, गुणस्तर प्रक्रिया तथा इञ्जिनियरिङ सुझावलगायत प्राविधिक ज्ञान दिन र सिमेन्टको विशेषतासम्बन्धी जानकारी गराउन कार्यक्रम आयोजना गरिरहेको कम्पनीको भनाइ छ । कार्यक्रममा ५ सयभन्दा बढी संख्याका ठेकेदारले छलफलमा सहभागिता जनाएका थिए ।
कम्पनीले आउँदो नयाँ वर्ष ०७९ लक्षित उपहार योजना सार्वजनिक गरेको छ । कम्पनीले ठेकेदार लक्षित हात खाली नजाने उपहार योजना सार्वजनिक गरेको छ । उपहार योजना ०७८ फागुन १ देखि ०७९ वैशाख ३१ सम्म लागू हुनेछ ।
योजनाअन्तर्गत खरिद तथा उपयोग हुने सिमेन्ट बोरा संख्याका आधारमा विभिन्न उपहार पाउन सकिनेछन् । योजना अन्त्यमा गोला प्रथामार्फत ५ जना भाग्यशाली विजेताले बम्पर पुरस्कारका रूपमा काठमाडौं–पोखरा भ्रमण प्योकज जित्न सक्नेछन् ।
६००० बोरा ओपीसी वा पीएससी सिमेन्ट खरिदमा ४३ इन्चको सीजी स्मार्ट एलईडी टीभी वा सिओमी ११ लाइट एनई ५जी ८/१२८ जीबी १ थान, ५००० बोरा ओपीसी वा पीएससी सिमेन्ट खरिदमा ३२ इन्चको सीजी स्मार्ट एन्ड्रोइड सीजी३२बी वा साओमी रेडमी नोट १० प्रो १ थान पाउन सकिनेछ ।
यस्तै, २५०० बोरा ओपीसी वा पीएससी सिमेन्ट खरिदमा साओमी रेडमी ९सी ३२/६४जीबी वा बाल्ट्र बीओटी ११२ ५० लिटर फोस्टर ओभन १ थान, १५०० बोरा ओपीसी वा पीएससी सिमेन्ट खरिदमा बाल्ट्रा इन्फ्रारेड इन्डक्सन कुकर वा यासुदा वाईएस–२८एससी २.८ लिटर राइस कुकर १ थान, ८०० बोरा ओपीसी वा पीएससी सिमेन्ट खरिदमा रेनकोट १ थान, ४०० बोरा ओपीसी वा पीएससी सिमेन्ट खरिदमा हटपट लञ्च बक्स १ थान जित्न सकिनेछ ।
