भदौ २९, बागलुङ । नेपाल राष्ट्रिय उद्योग व्यापार संगठन बागलुङको अध्यक्षमा मुकेशचन्द्र राजभण्डारी चयन भएका छन् ।
संगठनको मंगलवार भएको दोस्रो अधिवेशनले राजभण्डारीको अध्यक्षतामा १९ सदस्य नयाँ कार्य समिति चयन गरेको हो ।
समितिको उपाध्यक्षमा गगन पुन, कौशिला घर्ती, सुरज विक र प्रकाश शर्मा चयन भएका छन् । यस्तै महासचिवमा गोकुल कँडेल, सचिवमा प्रकाश रखाल, सहसचिवमा तुलसी नारायण भारी, कोषाध्यक्षमा मनकाजी विक र सह कोषध्यक्षमा नर बहादुर केसी चयन भएका छन् ।
यस्तै, सदस्यहरुमा कमला पुन, नर कुमार गौतम, गीता खड्का, राजु खड्का, गोविन्द सुवेदी, अजय मलेपती, तिल खत्री, जंग बहादुर राना, टेक बहादुर राना र हिदायत हुसेन रहेका छन् ।
अधिवेशनले ललिला थापाको संयोजकत्वमा ३ सदस्य महिला उपसमिति समेत गठन गरेको छ । समितिको सदस्यमा नरमाया पुन र सम्झाना श्रेष्ठ रहेकी छिन् ।
अधिवेशनको उद्घाटन समारोहमा बोल्दै नेपाल राष्ट्रिय उद्योग व्यापार संगठनका केन्द्रीय अध्यक्ष श्याम बहादुर पाठकले सरकारले कर छूट, डुब्न थालेका व्यवसायीहरुलाई पुर्नउत्थान लगायतका ल्याउनुपर्ने बताए ।
उनले कोरोना कहरमा व्यवसायीहरु धेरै मारमा परेकोले राज्यले उद्योगी तथा व्यवसायीहरुको लागि व्याजमा साहुलियत, बहाल करमा छूट लगायतका राहतका प्याकेजहरु ल्याउनु पर्ने बताए ।
उनले व्यापार संगठनले राज्यलाई व्यवसायीहरुको मागको बारेमा जानकारी गराइरहेको बताए ।
