यामाहाएफ जेडद्वारा प्रस्तुत हिमालय रोडिज सिजन ३–ब्लड, स्वेट र टियर्सले आफ्नो यस सिजनको विजेताको घोषणा गरेको छ । सन् २०१९ डिसेम्बर १६ बाट सुरु भएको योरियालिटी शोले १८ औं शृंखलामा आएर आफ्नो विजेता प्राप्त गरेको छ र यसपटक हिमालय रोडिजको ताज पहिरिन सफल भएका छन् रोडी सुजन सुवेदी । सुजन ग्याङ्गग्रीनअन्तर्गत लाउरेको टिममा थिए ।
नेपालमा पहिलो पटक सन् २०१६ मा प्रसारण गरिएकोे शो युवा पुस्तामा आधारित रियालिटी शोले तेस्रो शृंखलासम्म आइपुग्दा आफ्नो ढाँचामा धेरै परिवर्तन गरिसकेको छ ।
