गण्डकी प्रदेश सरकारले यस वर्षमा ३ सयवटा होमस्टे बनाउने लक्ष्यका साथ पुँजीमा समेत अनुदान दिने भए पछि प्रदेशका पर्यटकीय क्षेत्रका घर गाउँमा धमाधम होमस्टे दर्ता गर्न लागिएको छ । गण्डकी प्रदेशको उद्योग, पर्यटन वन तथा वातावरण मन्त्रालयले होमस्टे सञ्चालन कार्यविधि २०७५ ल्याएसँगै होमस्टे दर्ता प्रक्रिया सहज र स्थानीय गाउँपालिका तथा नगरपालिकामा दर्ता हुने भए पनि होमस्टे दर्ता हुने क्रम ह्वात्तै बढेको हो ।
