भूकम्पले घरबाहिर लखेट्यो । कोरोनाले घरभित्रै कँज्याइदियो । आखिर प्रकृति मानिसभन्दा बलियो नै हो । कोरोनारूपी विषाणु पनि प्रकृतिको रचना हो । आज कसले कसलाई रोग सारिदियो भनेर बहस गर्नुको तुक छैन । यो त सचेत भएर जोगिनुपर्ने समय हो । हामी जब अप्ठ्यारोमा हुन्छौँ, हामीलाई जति भौतिक उन्नति गरे पनि, विकास भएको भए पनि प्रकृति नै प्यारो लाग्छ । भित्री चाहनालाई हेर्दा मानिसको रहरले अब विकेन्द्रीकृत पद्धतिसँग ग्रामीण जीवनशैलीको माग गर्दै छ । सहरी सुविधाका साथमा ग्रामीण जीवनशैलीको अपेक्षा हामीलाई छ ।
