भव्य र आकर्षक बन्यो केशर महल

केशर महलको संरक्षण (सम्पादकीय)

नारायणहिटी दरबार परिसर अतिक्रमण एवं क्याफेलगायतको प्रसङ्ग सेलाउन नपाउँदै फेरि यस्तै एक अर्को प्रसङ्गले चर्चा पाउन थालेको छ । नारायणहिटीबाट करिब ५० मिटरको दूरीमा रहेको केशर महलमा समेत व्यावसायिक प्रयोजनका नाममा ऐतिहासिक धरोहर मास्ने अर्को गिरोहको खेल सुरु भएको छ । एक सय वर्ष पुराना भौतिक संरचना पुराताìिवक महìवका सम्पदामा गणना हुनेमा १७० वर्ष पुरानो केशर महलको आफ्नै विशिष्ट महìव छ । नेपालकै प्रसिद्ध पुस्तकालय केशर पुस्तकालय रहेको केशर महल गार्डेन अफ ड्रिम्स नेपाल घुम्न आउने पर्यटकहरूका लागि आकर्षक गन्तव्यका रूपमा रहिआएको सर्वविदितै छ । केशर महलमा सङ्ग्रहित अमूल्य पुस्तक, कलाकृति, आखेटोपहार तथा स्वयंमा यस भवनको डिजाइन आफैँमा अद्वितीय नमुना तथा विशेषता हुन् । यस्तो अद्वितीय बेजोड ऐतिहासिक धरोहरको संरक्षण एवं संवद्र्धन राष्ट्रको मुख्य प्राथमिकतामा पर्नुपर्ने तथ्यमा सायदै दुई मत होला ।