काठमाडौं : नेपाली फिल्म 'द सेक्रेट अफ राधा'को प्रदर्शन मिति भदौ २४ लाई तोकिएको छ। महाशिवरात्रिको अवसर पार्दै फिल्मका निर्देशक सुवर्ण थापाले मंगलबार फिल्मको प्रदर्शन मिति सार्वजनिक गरेका हुन्।सामाजिक मुद्दामा बनेको नारीप्रधान फिल्ममा सृष्टि श्रेष्ठ केन्द्रीय भूमिकामा देखिएकी छन्। फिल्ममा सृष्टिसँगै खगेन्द्र लामिछाने, दयाहाङ राई, निश्चल बस्नेत, मेनुका प्रधानलगायत कलाकारको मुख्य भूमिका रहेको छ।'राधा' मार्फत अभिनेता सौगात मल्लले पनि फिल्म निर्माणमा हात हालेका छन्।