काठमाडौं । हिमाली भेगमा बसोवास गर्ने शेर्पा समुदायले देशका विभिन्न स्थानमा मंगलवार ग्याल्बो ल्होसार अर्थात् नयाँ वर्ष मनाएका छन् ।
प्रत्येक वर्ष फागुन शुक्ल प्रतिपदाका दिन ग्याल्पो ल्होसार मनाउने परम्परा छ । शेर्पा समुदायले यस वर्ष २१५० औं ग्याल्बो ल्होसार मनाएका हुन् ।
काठमाडौंको बौद्धनाथ परिसरमा शेर्पा समुदाय जम्मा भएर एकअर्कासँग शुभकामना साटासाट गरी हर्षोल्लासका साथ पर्व मनाएका छन् । भोट भाषाको दाथोक पात्रोअनुसार यो पटक बाघ वर्ष पूरा गरी खरायो वर्ष आरम्भ हुँदैछ ।
ल्होसार मुसा, गाई, बाघ, खरायो, मेघ, सर्प, घोडा, भेडा, बाँदर, चरा, कुकुर र बराह गरी १२ वर्गमा विभाजन गरिएको छ । ग्याल्बो ल्होछारको अवसरमा सरकारले सार्वजनिक बिदा दिएको छ ।
विगतमा हिमाली क्षेत्रका १२ जिल्लामा मनाइने ग्याल्बो ल्होसार हाल २२ जिल्लामा मनाइन्छ । शेर्पा जातिको बसाइँसराइसँगै अहिले यो पर्व मनाउने जिल्ला बढेको हो ।
काठमाडौं, फागुन ९ । प्रत्येक वर्ष फागुन शुक्ल प्रतिपदाका दिन शेर्पा समुदायले मनाउने सांस्कृतिक पर्व ग्याल्पो ल्होछार विविध कार्यक्रम आयोजना गरी आज मनाइँदैछ । ग्याल्पो ल्होछार फागुन शुक्ल प्रतिपदादेखि पूर्णिमासम्म विविध कार्यक्रम आयोजना गरी भव्यरुपमा मनाइन्छ । नयाँ वर्षका रुपमा शेर्पा समुदायले २१५०औँ ग्याल्पो ल्होछार मनाउन लागेका हुन् । मुसा, गाई, बाघ, खरायो, ड्रागन (मेघ), […]
