सरकारले अघि सारेको कर नीतिका विरुद्ध विराटनगरका व्यापारी र व्यवसायीहरू आन्दोलित भएका छन् । विराट व्यापार संघको नेतृत्वमा एक दर्जनभन्दा बढी विभिन्न व्यापारिक र व्यावसायिक संघमा आबद्ध व्यवसायी र व्यापारीहरू आन्दोलनमा उत्रिएका हुन् ।
सरकारले साउन १ गतेदेखि लागू हुनेगरी नयाँ कर नीति र ढुवानीलाई भ्याटमा लाने निर्णय गरेपछि व्यवसायीहरू आन्दोलित बनेका हुन् । सरकारले हचुका भरमा लागू गर्न खोजेको नयाँ कर नीति कुनै पनि हालमा मान्य नहुने संघका अध्यक्ष सुजन थापाले चेतावनी दिए ।
