कात्तिक ११, काठमाडौं । साताको अन्तिम कारोबार दिन बिहीवार नेप्से परिसूचक अघिल्लो कारोबार दिनको तुलनामा १३ दशमलव शून्य ४ अंक अर्थात् शून्य दशमलव ४७ प्रतिशत वृद्धि भएको छ ।
नेप्से परिसूचक २ हजार ७८२ दशमलव १६ विन्दुमा पुगेको हो । सो अवधिमा कारोबारमा आएका २२२ ओटा धितोपत्रको ९२ लाख ३६ हजार ६१३ कित्ता शेयरको ५९ हजार १४० पटकमा रू. ५ अर्ब ३९ करोड ५२ लाख ६८ हजार ६२८ बराबरको खरीदविक्री भएको हो ।
कारोबारमा आएका २२२ ओटा धितोपत्रमध्ये रिडी हाइड्रोपावर कम्पनीको शेयरमूल्य अघिल्लो कारोबार दिनको तुलनामा १० प्रतिशतले वृद्धि भएको छ । कम्पनीको शेयरमूल्य प्रतिकित्ता रू. ७९७ दशमलव ५० पुगेको हो ।
दोस्रोमा मनकामना स्मार्ट लघुवित्त वित्तीय संस्थाको शेयरमूल्य अघिल्लो कारोबार दिनको तुलनामा ९ दशमलव ३९ प्रतिशत वृद्धि भएर रू. १ हजार ९५८ पुगेको छ ।
त्यसैगरी शेयरमूल्य घट्नेमा एभरेष्ट इन्स्योरेन्स कम्पनीको संस्थापक शेयर रहेको छ । कम्पनीको शेयरमूल्य अघिल्लो कारोबार दिनको तुलनामा ७ दशमलव ७९ प्रतिशत घटेको हो । शेयरमूल्य प्रतिकित्ता रू.४४६ दशमलव ३० मा झरेको हो । त्यसैगरी सर्वाधिक शेयर कारोबार नेशनल हाइड्रोपावरको रू. २९ करोड १९ लाख ५ हजार बराबरको शेयर खरीदविक्री भएको छ ।
कारोबारमा आएका १३ ओटा समूहमध्ये बैंकिङ समूहको परिसूचक शून्य दशमलव ४२ प्रतिशत, व्यापार समूहको परिसूचक शून्य दशमलव ३१ प्रतिशत, होटल एण्ड टुरिजम समूहको १ दशमलव १५ प्रतिशत, उत्पादन तथा प्रशोधन समूहको शून्य दशमलव ८ प्रतिशत, जीवन बीमा समूहको शून्य दशमलव ५६ प्रतिशत र म्युचुअल समूहको परिसूचक शून्य दशमलव ६९ प्रतिशत घटेको छ भने बाँकी समूहको परिसूचक बढेको हो । सबैभन्दा बढी अन्य समूहको परिसूचक २ दशमलव ५३ प्रतिशत बढेको छ ।
त्यसैगरी, समूहगत परिसूचक बढ्नेमा विकास बैंक समूहको परिसूचक शून्य दशमलव ९९ प्रतिशत, हाइड्रोपावर समूहको २ दशमलव २१ प्रतिशत, वित्त समूहको शून्य दशमलव ५२ प्रतिशत, निर्जीवन बीमा समूहको शून्य दशमलव शून्य ३ प्रतिशत, लघुवित्त समूहको २ दशमलव ४३ प्रतिशत र लगानी समूहको परिसूचक शून्य दशमलव ४ प्रतिशत वृद्धि भएको हो ।
आइतवारदेखि लगातार बजार बढेकाले बिहीवार प्रोफिट बुक गरेका छन् । सोही कारण बजार कुनै बेला हरियो र कुनै बेला रातो भएको थियो । बजार बुलिस ट्रेण्डमा रहेकाले खरीदकर्ताको आकर्षणले गर्दा समग्र बजार बढेर बन्द भएको छ ।
