राष्ट्रिय प्रजातन्त्र पार्टी (राप्रपा)को अध्यक्षमा राजेन्द्र लिङ्देन विजयी भएका छन् । अध्यक्षका अर्का प्रत्यासी कमल थापालाई हराउदै लिङ्देन अध्यक्ष पदमा विजयी भएका हुन् ।आज बिहान समपन्न मत गणनामा लिङ्देनले थापालाई २ सय मत अन्तरले हराएका हुन् । लिङ्देनले १ हजार ८ सय १७ मत पाए भने कमल थापाले १ हजार ६ सय १७ मत पाए । ४३१ मत बदर भएको निर्वाचन समितिले जनाएको छ ।चुनाव हारेपछि कमल थापाले लिङदेनलाई बधाई दिएका छन् । उनले सामाजिक संजालमा लेखेका छन् 'प्रजातान्त्रिक मूल्य र मान्यता आत्मसात गर्दै राप्रपा अध्यक्ष पदको निर्वाचनमा भएको पराजय सहर्ष स्विकार गर्दछु।नवनिर्वाचित अध्यक्ष राजेन्द्र लिङदेनलाई वधाई तथा शुभकामना। प्रतिकुल परिस्थितिमा समेत हामी माथि विश्वास र भरोसा गर्ने पार्टीका सम्पूर्ण साथीहरुमा आभारी छु।' नयाँ नेतृत्व चयनका लागि शनिबार काठमाडौंको भृकुटीमण्डप भएको पहिलो एकता महाधिवेशनले नयाँ नेतृत्व चयन गरेको हो ।
