काठमाडौं (अस) । एक वर्षको रिचार्जमा २४ महीनाको सेवा उपलब्ध गराउँदै आएको डिशहोमको योजना अन्तर्गत एकजना ग्राहकले ‘लक्की ड्र’मार्फत १ लाख रुपैयाँ जितेका छन् । क्यास आईडी ०२५६४०३३७७५ रहेका ग्राहकले गत हप्ताको लक्की ड्रमार्फत १ लाख रुपैयाँ जितेको डिशहोम कम्पनीले जानकारी दिएको छ ।
कम्पनीले १ वर्षको रिचार्ज एकैपटक गर्दा २४ महीनाको सेवा उपलब्ध गराउँदै आएको छ । सो योजना अन्तर्गत कम्पनीले हरेक हप्ता लक्की ड्र पनि गर्दै आएको छ । डिशहोमले आफ्ना ग्राहकलाई सो योजनामा सहभागी हुन अनुरोध गरेको छ । यसमा सहभागी हुन ग्राहकले आफ्नो नजिकको ‘डिशहोम डिलरदाइ’कोमा गएर डिशहोमको फन्ड ट्रान्सफरमार्फत आफूले प्रयोग गरेको प्याकेजको १ वर्षको रिचार्ज गर्नुपर्नेछ । हरेक हप्ता हुने लक्की ड्रको प्रत्यक्ष प्रसारण कम्पनीले सोमवार साँझ ५ बजे डिशहोम रियालिटी टिभी, रमाइलो एचडी, सरोकार टीभी, नेपा च्यानल तथा डिशहोम शोकेसबाट गर्ने जानकारी गराएको छ ।
