चितवनका सीडीओ जोडिएको माछा प्रकरण– ५० रुपैयाँले निम्त्याएको घटनाको नालीबेली

माछा खरिद गर्न जाँदा आफ्नै श्रीमती ‘ठगिएको’ भन्ने निहुँमा चितवनका प्रमुख जिल्ला अधिकारी अस्मान तामाङले चितवनमा माछा बिक्री केन्द्र र कृषकको फार्ममा नै सिल गरेको भन्ने विषय अहिले चौतर्फी चर्चा र आलोचनाको केन्द्रमा छ । कृषकहरूले आफूहरूलाई सीडीओले अनावश्यक दुःख दिएको गुनासो गरेका छन् भने सीडीओ तामाङले आफू नै ठगिनुपरेको जिकिर गरेका छन् । सीडीओले एक गाडी प्रहरी लिएर आएर फार्ममा ताला लगाएको कृषकको गुनासो छ । ‘उहाँले मुखमा आए जति गाली गर्नुभयो । कालोबजारी गर्ने ? मान्छेलाई ठग्ने ? भन्दै सिलबन्दी गरे...