गायक स्वरूपराज आचार्यको स्वरमा रहेको गीत ‘तिम्रो तस्बिर’ सार्वजनिक भएको छ । उमेश राउतको सङ्गीत र उज्ज्वल हृदयको शब्द रहेको गीतले पीडा बोल्छ । चोखो प्रेममा असत् प्रवृत्तिका व्यक्तिहरूको प्रवेशले निम्त्याएको समस्या गीतको भिडियोमा देखाउन खोजिएको छ । गीता ढुंगाना, निराजन प्रधान र विशाल रेग्मीको अभिनय भिडियोमा देख्न सकिन्छ । अनुप चापागाईँले निर्देशन गरेको भिडियोमा बुद्ध थापाको छायाङ्कन र विकास दाहालका सम्पादन छ ।
