पुस ११, काठमाडौं। काठमाडौं उपत्यकामा पहिलोपटक जग्गा किन्दै हुनुहुन्छ र सस्तो जग्गाको खोजीमा हुनुहुन्छ भने तपाईको लागि रामकोट र चापागाउँ सही गन्तव्य हुन सक्छन्।
चक्रपथबाट ५/६ किलोमिटर टाढा रहेको रामकोट र ९/१० किलोमिटर टाढा रहेको चापागाउँमा प्रतिआना ९/१० लाख देखि १५/१६ लाख रुपैयाँ प्रतिआनाका दरमा सयौं टुक्रा घडेरी विक्रीमा रहेका छन्।
नेपाल लिभिङ रियल स्टेट कम्पनीका अनुसार सितापाइलाबाट ९ किलोमिटरको दुरीमा प्रतिआना ९ लाख रुपैयाँका दरले घडेरीहरु विक्रीमा रहेका छन्। ८ मिटर पिच सडकमै रहेको ३ रोपनी जग्गा प्रति आना ९ लाख रुपैयाँका दरले विक्रीमा रहेको छ।
घरजग्गा सुविधा नेपालका अनुसार रामकोट भिमढुङ्गामा प्रतिआना १३ लाख रुपैयाँका दरले टुक्रा घडेरीहरु विक्रीमा रहेका छन्। सीतापाइला चक्रपथबाट ६ किलोमिटर मात्रै टाढा रहेको भिमढुङ्गामा १६ फिट बाटोमा प्रतिआना १३/१४ लाख रुपैयाँका दरले प्लटिङका घडेरीहरु विक्रीमा राखिएको छ।
नेपाल लिभिङकै अनुसार रामकोटमा ३ आनाभन्दा ठूला टुक्रा घडेरीहरु प्रतिआना १६ लाख रुपैयाँमा उपलब्ध छन्। सीतापाइला चक्रपथबाट ६ किलोमिटर नै टाढा रहेको यो प्लटिङमा ४ मिटर चौडा बाटोमा ३ आनादेखि ३० रोपनी सम्म जति जग्गा लिएपनि प्रतिआना १६ लाख रुपैयाँमै उपलब्ध छन्।
त्यस्तै लक्जरी प्रोपर्टीका अनुसार सीतापाइला रिङरोडबाट ४ किलोमिटरको दुरीमा प्रतिआना २५ लाख रुपैयाँमा टुक्रा घडेरीहरु विक्रीमा रहेका छन् । मुख्य बाटो २० फिट र प्लटिङभित्र १३ फिटे बाटोमा २५ लाख रुपैयाँका दरले टुक्रा घडेरीहरु विक्रीमा रहेका छन्।
प्रभु रियलस्टेटका अनुसार चापागाउँमा प्रतिआना १० लाख रुपैयाँका दरले घडेरीहरु विक्रीमा रहेका छन्। चापागाउँ बसपार्क नजिक मुलडोलमा १६ फिट पिच बाटोमा रहेको र तुरुन्तै घर बनाएर बस्न मिल्ने जग्गाहरु प्रतिआना १० लाख रुपैयाँमा विक्रीमा राखिएको हो।
त्यस्तै घरजग्गा किनबेच ललितपुरका अनुसार चापागाउँमै प्रतिआना १६ लाख रुपैयाँका दरले पनि प्लटिङको घडेरीहरु विक्रीमा रहेका छन्। मुख्य बाटो २० फिट र प्लटिङ भित्र १६ फिट बाटो भएका घडेरीहरु प्रतिआना १६ ला रुपैयाँका दरलेनै विक्रीमा राखिएको हो।
