खेत जोत्ने क्रममा ट्रयाक्टर पल्टिँदा चितवनमा एक जनाको मृत्यु भएको छ । मृत्यु हुनेमा भरतपुर महानगरपालिका–५, कैलाशनगरका ३४ वर्षीय सन्दीप मगर रहेका छन् ।
जिल्ला प्रहरी कार्यालयका अनुसार स्थानीय चन्द्र सिग्देलको खेत जोत्ने क्रममा ना ४ त ३१५२ नम्बरको ट्रयाक्टर पल्टिँदा ट्रयाक्टर चालक मगर गम्भीर घाइते भएका थिए ।
उनको उपचारका क्रममा भरतपुर अस्पतालमा आज मृत्यु भएको प्रहरीले जनाएको छ ।