काठमाडौं । ऐतिहासिक कमलपोखरीको सौन्दर्य परिवर्तन गर्ने वहानामा काठमाडौं महानगरपालिकाले अस्तित्व नै मेट्न लागेकोमा चौतर्फी आलोचना भएको छ । सिमसार क्षेत्रको रुपमा रहेको कमलपोखरीलाई ढुंगा र सिमेन्ट प्रयोग गरि कंक्रिटमा रुपान्तरण गरि खुम्च्याउने र पानी सुकाउनेगरी पुननिर्माण गरिएकोमा स्थानीय तथा अगुवाहरुले विरोध गरेका छन् । उनीहरुले पोखरी सिमसार क्षेत्र भएको, चराचुरुङ्गीको वासस्थान वा पानी खाने स्थान रहेको साथै ऐतिहासिक र पुरातात्विक महत्वलाई ओझेल पार्न लागेकोमा आपत्ति जनाएका हुन्।
