काठमाडौं। नेकपा एमालेका वरिष्ठ नेता माधवकुमार नेपालले अखिल फोर्सलाई नाम फेर्न सुझाव दिएका छन्। शनिबार अखिल फोर्सको राष्ट्रिय भेलालाई सम्बोधन गर्दै उनले अरूभन्दा आफू के कम भन्न ‘फोर्स’ राख्नुभन्दा ‘स्वयंसेवक’ राख्न सुझाव दिएका हुन्। उनले भने, ‘हामी निहुँ खोज्न जादैनौंं, आइलाग्नेसँग भाग्दैनौँ।’ अखिल फोर्सलाई सभ्य, सुसंस्कृत बन्दै रचनात्मक, सृजनशील र राम्रा काममा जुट्न उनले आग्रह गरे।