कास्की – नेकपा माओवादी केन्द्रका अध्यक्ष पुष्पकमल दाहाल प्रचण्डले आफू छिट्टै प्रधानमन्त्री बन्ने सम्भावना रहेको जिकिर गर्नुभएकाे छ । आज बुधवार कास्कीको अन्नपूर्ण गाउँपालिका १ मा रहेको महेन्द्र आधारभूत विद्यालयको हिरक जयन्ती महोत्सवको उद्घाटन गर्दै उहाँले आफू छिटै प्रधानमन्त्री बन्ने बताउनुभएकाे हाे । अध्यक्ष प्रचण्डले आफू तेस्रो कार्यकालका लागि प्रधानमन्त्री बन्ने बताउँदै तेस्राे कार्यकालमा अझ राम्रो काम गर्ने अठोट पनि गर्नुभयाे । पहिलो कार्यकाल राम्रोसँग विधि–प्रक्रिया बुझ्नै नपाइ गएको र दोस्रो कार्यकालमा देशका लागि केही महत्...