मुद्रण व्यवसायीहरूको प्रदेशस्तरीय समिति गठन

नेपाल मुद्रण उद्योग महासंघ लुम्विनी प्रदेशको अध्यक्षमा कृष्ण पराजुली

भदौ १५, दाङ । नेपाल मुद्रण उद्योग महासंघ लुम्विनी प्रदेश समिति गठन गरिएको छ । लुम्विनी प्रदेशका मुद्रण व्यवसायीहरुलाई संगठित गर्ने उद्देश्यले प्रदेश राजधानी दाङको भालुवाङमा सम्पन्न प्रदेशस्तरीय भेलाले २१ सदस्यीय प्रदेश समिति गठन गरेको हो । नवगठित नेपाल मुद्रण उद्योग महासंघ लुम्विनी प्रदेश अध्यक्षमा रुपन्देहीका मुद्रण व्यवसायी कृष्ण पराजुली रहेका छन् । समितिको प्रथम उपाध्यक्षमा पूर्णलाल चुके (बाँके), उपाध्यक्षमा घनश्याम घिमिरे (रुपन्देही), सचिवमा सि.एम उपाध्याय (बाँके), सह–सचिवमा डिल्लीनारायण पाण्डे (रुपन्देही) र कोषाध्यक्षमा गिरिराज आचार्य (दाङ), चयन भएका छन् । त्यसैगरी सदस्यहरुमा हरिप्रसाद ज्ञवाली (बाँके), जगदिश भट्टराई (पाल्पा), निर्मल अर्याल (रुपन्देही), जीपी पाण्डे (कपिलवस्तु), गजेन्द्र बहादुर वली (दाङ), मेघराज सिग्देल (वर्दिया) चयन भएका छन् । सबै पदाधिकारीहरु सर्वसम्मत रुपमा चयन भएका र बाँकी सदस्यहरु समितिको आउँदो बैठकले मनोनयन गर्ने कोषाध्यक्ष गिरिराज आचार्यले जानकारी दिए । कार्यक्रममा महासंघका केन्द्रीय उपाध्यक्ष विष्णु तिवारीले व्यवसाय प्रवर्द्धनका लागि व्यवसायिक एकता नै प्रमुख आधार रहेको भन्दै प्रदेशस्तरीय समस्याहरुको पहिचान गरी समाधानको पहल गर्ने उद्देश्यले प्रदेशस्तरीय समिति गठन गरिएको बताए ।