काठमाडौं, ९ फागुन। प्रधानमन्त्री पुष्पकमल दाहालले विज्ञान र प्रविधिको विकास नभईकन नेपालको विकास नहुने बताएका छन्। आज बालुवाटारस्थित निवासमा आविस्कार केन्द्रका प्रमुख महावीर पुनसँगको छलफलमा उनले विज्ञान र प्रविधिको विकासमा जोड दिएका हुन्। ‘वैज्ञानिक आविस्कारको क्षेत्रलाई अगाडि नबढाइकन नेपालको विकास हुँदैन,’उनले भने। वर्तमान युग विज्ञान र प्रविधिको भएकोले कुनै पनि देशको अस्तित्वका लागि यसका विकास अपरिहार्य भएको भनाई उनको थियो।
