काठमाडौं। जनता समाजवादी पार्टी (जसपा), नेपालले आफ्नो संसदीय दलको नेतामा रामसहाय प्रसाद यादवलाई चयन गरेको छ। संसदीय दलको नेतामा अन्यले उम्मेदवारी नदिएपछि यादव निर्विरोध निर्वाचित भएका हुन्। गत मंसिर ४ गते भएको प्रतिनिधि सभा निर्वाचनमा जसपाका ७ जना उम्मेदवार विजयी भएका थिए। प्रधानमन्त्री पुष्पकमल दाहाल ‘प्रचण्ड’ले आज विहान जसपा अध्यक्ष उपेन्द्र यादवलाई भेटी सरकारमा सहभागी हुन आग्रह गरेका थिए।
