मध्यपश्चिमाञ्चल विश्वविद्यालयको मुद्दा मिलाउन ‘अख्तियारमा सेटिङ’

अख्तियार दुरुपयोग अनुसन्धान आयोगको सुर्खेत कार्यालयमा असार २५ गते आवश्यक प्रमाणसहित मध्यपश्चिमाञ्चल विश्वविद्यालय (एमयू) का पदाधिकारीहरुविरुद्ध उजुरी पर्‍यो । पदाधिकारीले पदको दुरुपयोग गर्दै व्यापक आर्थिक अनियमितता गरेको प्रमाणसहित विश्वविद्यालयका सरोकारवालाहरुले उजुरी दिँदासमेत अख्तियारले कागजात नियन्त्रणमा लिएन । उल्टै गोप्य उजुरीबारे अख्तियारका कर्मचारीले सूचना ‘लिक’ गराए ।