दुईतिहाइ बहुमतको वाम गठबन्धनको शक्तिशाली सरकार यतिबेला चालू आर्थिक वर्षका लागि विनियोजित बजेट कार्यान्वयन गर्ने क्रममा लागेको छ । ८ प्रतिशत आर्थिक वृद्धि हासिल गर्ने लक्ष्य लिएको सरकारको आर्थिक वर्ष सुरु भएको पहिलो चार महिना सकिन लाग्दा विकास खर्च जम्मा ८ प्रतिशतमा मात्रै सीमित छ । विकास र समृद्धिको नारालाई पछ्याउँदै सकारले सात दशकदेखिको राजनीतिक सक्रमणकालीन अवस्थाको अन्त्य गर्न खोजेको बताए पनि नागरिकहरू वर्तमान सरकारप्रति निराश हुन थालेका छन् भने सरकारको कामगराइप्रति दाताहरू पनि त्यति सन्तुष्ट छैनन् ।
