असार १५, काठमाडौं । नेपालमा विगत २४ घण्टामा थप २ हजार ६३६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले मंगलवार दिएको अनुसार ७ हजार २५९ जनामा गरिएको पीसीआर परीक्षणमा १ हजार ७२८ र ४ हजार ४८९ ओटा एन्टिजेन परीक्षणमा ९०८ गरी २ हजार ६३६ जनामा कोरोना संक्रमण पुष्टि भएको हो ।
विगत घण्टामा ४ हजार ३४८ जना कोरोना संक्रमणबाट मुक्त भएका छन्। योसँगै कोरोनाबाट निको हुनेको संख्या ५ लाख ९२ हजार ५३५ पुगेको छ। कोरोना संक्रमणका कारण २० जनाको मृत्यु भएको छ । योसँगै कोरोना संक्रमणका कारण नेपालमा मृत्यु हुनेको संख्या ९ हजार ७१ पुगेको छ ।
हाल देशमा सक्रिय संक्रमितको संख्या ३५ हजार ३१० जना रहेको छ ।
