च्याम्पियन्स लिग फुटबलको फाइनल खेल स्थल टर्कीको इस्तान्बुलबाट सरेको छ । यूरोपेली फुटबल संघले च्याम्पियन्स लिग फुटबलको फाइनल अब पोर्चुगलको पोर्टोमा हुने निर्णय गरेको छ ।
च्याम्पियन्स लिगको फाइनलमा चेलसी र म्यान्चेष्टर सिटी मई २९ मा स्पर्धा गर्नेछ । बेलायतले कोभिड १९ को नयाँ स्वरुपलाई लिएर टर्कीलाई रातो सूचीमा राख्दै भ्रमण गर्न नहुने राष्ट्रमा सूचीकृत गरेको छ । लिगको उपाधिको यात्रामा रहेका दुबै टोलि बेलायतको रहेकोले प्रशंसकको उपस्थितिलाई ध्यानमा राख्दै आयोजना स्थल सारिएको हो ।
