फागुन १, काठमाडौं । प्रधानन्यायाधीश विरुद्ध ९८ जना सांसदहरुले संसद सचिवालयमा महाभियोग प्रस्ताव दर्ता गराएका छन् ।
प्रधानन्यायाधीश चोलेन्द्र शमशेर जबरा विरुद्ध विभिन्न राजनीतिक दलका सांसदहरुले महाभियोग प्रस्ताव दर्ता गरेका हुन् । उक्त प्रस्ताव आइतवार बिहान ११ बजेर १० मिनेटमा दर्ता भएको स्रोतले बताएको छ ।
सत्तारुढ नेपाली काँग्रेस, नेकपा माओवादी केन्द्र र जसपाका ९८ जना सांसदहरुले प्रधानन्यायाधीशविरुद्ध महाभियोग प्रस्ताव दर्ता गराएका हुन् ।
महाभियोग प्रस्तावमा कानूनमन्त्री दिलेन्द्रप्रसाद बडूसहित ९८ जना सांसदहरुले उक्त प्रस्तावमा हस्ताक्षर गरेको बुझिएको छ ।
नेपाल बार एशोसिएशनले जबराको राजीनामा माग गर्दै विगत केहि महीनादेखि आन्दोलन गर्दै आएको छ । जबराले राजीनामा दिनुपर्ने भन्दै उसले महाभियोग लगाउन दलहरुको ध्यानाकर्षण समेत गराएको थियो ।
